I programa "Keribe polačhe te ovel o maškaretnikane vjavaharia" an-i Makedonia si trineberšengiri programa finansirime tar-i Fondacia
Instituti phravdo sasoitnipa - Makedonia, i Fondacia Thagar Boduen thaj i Fondacia ^arls Stjuart Mot. E programakere resariba si:
- keriba thaj bajroviba tar-o pošukar vjavaharia maškar o turlia etnikane kombinirime khedipa;
- keriba pakjiviba maškarpeste prekal pendđariba tar-i tradicia, kultura, religia thaj i čhib;
- phraviba komunikacia maškar e turlia etnikane khedipa;
- promocia tar-o moldipa e demokratiake, dijalogoske, toleranciake, kodđivdipaske thaj arakhiba e sansareske;
- arakhiba thaj deiba dumo e neve inicijativenge tar-o naformalnikane dizutnengere grupe thaj
- kooperacia maškar o BRO thaj biformalniane dizutnengere grupe
Save aktivipa ka teliikeren pe?
I programa "Keriba polačhe te oven o maškaretnikane vjavaharia" teliikerela proektia tar-o biformalnikane dizutengere grupe thaj ar-o
BRO, save so proikljovena tar-o realno zaruria e khedinake thaj pomaškarena baš-o polačhe maškaretnikane vjavaharia.
Ko šaj te konkuririnel?
- biformalnikane grupe minimum tar-o 5 manuša save so nane ki familiakiri phandin;
- registririme biradđakere organizacie.
I progama na finansirinela:
- individualno thaj grupakere dromariba avrial tar-i them ko konferencie, seminaria, vigjanale arakhina;
- vigjanale rodaripa;
- aktivipa tar-o politikane partie thaj organizacie save so telikerena politikane partie;
- butikeriba ki rekonstrukcia ko objektia thaj
- tehnikane oprema.
Sar šaj te konkuririnen
Ko konkursi šaj te aplicirinel pe salde jekhe proektea, numa nane ikaldo o šajipa duj ja pobuter BRO save so isi len kooperacia te
konkuririnen barabarutne proektesa.
O organizacie ja o biformalnikane grupe so ka konkuririnen zaruri si te den pherdo obrazec baš-o institucie thaj organizacie/obrazec
baš-o biformalnikane grupe thaj isi len niami te aplicirinen sako ki pli dajakiri čhib tikne rezimesa ki makedoniakni čhib.
Maksimalno budđeti baš-o roekti si 5 000 evria.
Periodi baš-o proektengro realiziriba si 6 masekia.
Zarurime dokumentia:
- Pherdo obazec baš-o instituce thaj organizacie/obrazec baš-o biformalnikane grupe baš-i programa "Keribe polačhe te oven o
maškaretnikane vjavaharia";
- Tikno rezime e proekteske ki makedonikani čhib;
- Kopia tar-i registracia tar-i BRO, programa baš-i buti thaj lista tar-o realizirime proektia (baš-o BRO);
- Tikne biografie e grupakere dđenendar opisea tar-i rolja tar-o sako dđeno an-o proekti(baš-o biformalniakne grupe).
Paluno vahti baš-o apliciriba: 26.06.2002 berš.
Dđipherutne informacie baš-i progarma thaj aplikacie šaj te len pe an-i Fondacia Instituti phravdo sasoitnipa - Makedonia, bul. Jane
Sandanski 111, Skopje, tel. 02/444 488 lok.108, kori e programakere salaharia
ja ko web site: www.ierse.org.mk.
