Formularo

Popunizen akava formularo thaj bičalen len le dži ko tumaro sovetniko ili programakoro koordinatori.

• Formularo baše biformalnikane grupe (.doc), instrukcie (.doc).
• Formularo baše institucie thaj organizacie (.doc), instrukcie (.doc).

Odobreni proekti

So dela dumo i programa?

Amen ka da dumo e birajikane organizaciengere proektenge, lokalnikane korkorirajenge, mediumenge thaj dizutnengere iniciativenge kola si čačutne, šaj te keren pe thaj kola si inicirime tari khedin thaj isi olen asari upral i kedin – ja pale avere lafenca vakerdo, adala so ka keren averipa.

E proektia kamla pe te oven lokalnikane, ja pale te ikeren pe ane lokalnikane reonende-kupatnende, komunende. E Rezultatia taro jekh asavko proekti ka oven dikhle ane akala khedina. Numa, ola, thaj agjaar, kamla pe te oven prezentirime e pobuvle phravdipaske.

Nane šarti (uslovia) e proektia te oven dende tare duje ja pobuter birajikane organizaciengiri rig tare aver etnikakere grupe – ola šaj te oven dende thaj jekhe birajikane organizaciatar. Numa e resarinakiri grupa, kamla pe te ovel tare manuša so avena tare but etnikumia. E proektia šaj te ovel olen but ranika ( sastaripa, dživdipaskoro maškaripa, edukacia, biromengere daja ja te del pe dumo e tikne vahteskere thanarde manušenge t.a.n.) I obligacia si te ovel maškar-etnikani komponenta.

E kriteriumia baše organizacie thaj/ja grupe kola so si proekteskere legarutne (kola so koordinirinena ole) si ano jekhajekhipa e generalnikane programakere kriteriumenca:

• Kapaciteti/potenciali te šaj te kerel pe e lokhipaskoro procesi, bašo participiripa ane strategiakoro bajrovipa, baši komunikacia thaj khedinakoro aktiviripa;
• Kapacitetia siklovipaske tari eksperienca, bašo bajrovipa upral e lekcie so siklilam bašo anglederutne fazakoro vahti;
• Resursia (avipa dži relevantnikani ekspertiza);
• Kompatibiliteti e Programakere e fundasa thaj strategiasa ke olengere organizacie;
• Respekto, pakjavipa/digniteto baši pakjiv ani khedin;
• Responsibiliteto;
• Esperienca (ja potenciali siklovipaske džikobor adala si grupe) bašo proekteskoro kordiniripa;
• Esperienca baši direktikani buti ane khedinakoro trujalipa;
• Esperienca bašo thaj problemeskoro angleder džanipa;
• šukar pendžaripa thaj kontaktia e avere khedinakere kulturenca
   

Ano jekhto cikluso, jekh organizacia ja grupa šaj te konkuririnel salde jekhe proektesa. Palo agorutne raporteskoro deipa, voj šaj te konkuririnel pale. E irame organizacie thaj grupe šaj pale te konkuririnen avere ja džipherde proektesa.

Periodo kana kamla pe te kerel pe o proekto majbut šaj te ovel šov masekia.

Majbut so šaj te rodel pe ko jekh dendo proekto ka ovel 5 mile Eura.

E dende proektia šaj te den pe ki čhib ki koja majlokho šaj te hramonen e manuša so dena o proekto, a kamla pe te ovel thaj rezime ki makedonikani čhib.