• Programakiri promocia ano regioni saveske vov/voj si planirimo thaj koleste kerela buti;
• Phravdo akharipa thaj keripa lafi ke lokalnikane mediumia ( i kancelaria kerela promocia ane nacionalnikane mediumia);
• Promociakere materialengiri distribucia prekal e-mail lista, pali posta ja palo fakso;
• Bešipa e birajikane organizacienca thaj e dizutnenca ane resursikane centria thaj avera thana ano regioni so si than khedipaske e potikne birajikane organizacienge;
• Palo jekhto ciklusoskoro agorkeripa, e konsiliaria kamla pe te resen pe mangipasa te kerel pe eksperianciakoro vakeripa, e problemengoro arakhipa thaj arakhipa šajutne čhinavipa thaj situaciakere dikhipa baŠo hali ke regionia;
• E konsiliaria kamla pe te ikeren redovno komunikacia, sar maškar peste thaj agjaar e kancelariasa – ola kamla pe te ovel olen diskusiakiri jekhethaneskiri grupa;
• E konsiliaria kamla pe te keren kontakto e khedinenca, grupenca, birajikane organizacienca, mangipasa te vazdel pe ulavde ponecialengere bajrovipa, save panda na barile ke agorkerde iniciative, te šaj te len love prekal o phravdo konkurso;
• Te den dumo ane bute grupengiri buti tari khedin mangipasa te avel pe dži disave iniciativa kolasa ka šaj te konkuririnen ani dujto rota;
• Te keren buti ko akanutne thaj neve iniciativenoro thaj individualcengoro phravipa;
• E konsiliaria si durudži te oven ko than kote so realizirinena pe e proektia thaj manifestacie kola so organizirinena pe taro proekteskoro realizatoro.
• Ane proektengoro realiziripa, e konsiliaria dikhena i buti thaj dena dumo.
• O dendo dumo ke iniciative phandela – diskusiengoro lokharipa, dela biathinalo dikhipa, konsilia sar te oven pošukar e iniciative, dela dumo ko siklovipa thaj sar korkori te da amenge ocena, arakhela dendo dumo kana kamla pe te del pe zarurime treningo ja netvorkoskoro dizajnirime treningo.
• E konsiliareskir obligacia si te džan ke proekteskere realizatoria ko agorutno roko kana dena pe e raportia ( nekobor divesa anglal te thavdel o proekto) thaj te den olenge dumo bašo olengoro keripa. Dena thaj dumo ko diskusiengoro lokharipa te šaj te bajraren pe disave iniciativengere nevipa, upral so thaj kolende i organizacia plo agorutno raporto. E organizacie thaj grupe so kerde o granti pumare raportia dena dži kancelaria thaj dži konsiliari.

Kriteriumia bašo bukjakoro ulavipa maškar e konsiliaria sine:

• regioni / komuna;

• phirnipaskiri umal;

• kapaciteto;

• čhibengoro pendžaripa;

• etnikano preperipa;

• eksperienca thaj dende reoneskoro pendžaripa thaj birajikane organizacie so oleste kerena buti